सुनको मूल्य आज पनि घट्यो, कतिमा हुँदैछ कारोबार ?
काठमाडौं । नेपाल बजारमा आज पनि सुनको मूल्य घटेको छ । अघिल्लो दिन पनि घटेको सुनको मूल्य आज पनि तोलामा २ हजार ६०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य तोलामा १ लाख ४८ हजार ७०० रुपैयाँ पुगेको छ । अघिल्लो दिन पनि सुनको मूल्य तोलामा १५ हजार ९०० रुपैयाँले घटेर १ लाख ५१ हजार ३०० रुपैयाँमा कारोबार भएको थियो ।
त्यस्तै आज चाँदीको मूल्य तोलामा २५ रुपैयाँले घटेको छ । आज चाँदीको मूल्य प्रतितोला १ हजार ८२० रुपैयाँमा कारोबार भइरहेको छ । अघिल्लो दिन चाँदी तोलाको १ हजार ८४५ रुपैयाँमा कारोबार भएको थियो ।
