बीमा जगतमा मेट लाइफको उपलब्धि, विश्वकै १० मूल्यवान् कम्पनीको सूचीमा पर्न सफल

काठमाडौं । विश्व बीमा बजारमा अर्को रोचक विषय चर्चामा छ । त्यस्तो चर्चाको शिखरमा मेट लाइफको समेत नाम अग्रपंक्तीमा भेटिन्छ । कुनै पनि बीमा कम्पनी विश्व बीमा बजारको चर्चाको सूचीमा पर्नु चानचुने कुरा होइन । बीमा भनेकै विश्वासको व्यवसाय भएकाले पनि विश्वास माथि विश्वास कायम गर्दै गएपछि मात्रै कुनै पनि कम्पनीले एउटा यस्तो स्थान हाँसिल गर्न सक्छ कि उसलाई विश्वले पत्याउँछ । यस्तै सन्दर्भमा हेर्दा यही मार्च २०२५ मा ब्रान्ड फाइनान्सले निकालेको सूचीमा अमेरिकन बीमा कम्पनी मेटलाइफले १४.६ अर्ब अमेरिकी डलरसहित नवौँ मूल्यवान इन्सुरेन्स ब्रान्डको रुपमा मान्यता प्राप्त गरेर उपलब्धि पाएको छ । सोही उपब्धिसगैँ मेट लाइफ विश्वकै १० मूल्यवान् बीमा कम्पनी मध्ये एकको सूचीमा पर्न सफल भएको हो ।

यता, ब्रान्ड फाइनान्स इन्सुरेन्स १०० ले प्रकाशित गरेको रिपोर्टमा २०२३ मा १२ स्थानमा रहेको यस कम्पनीले त्यस यता उत्कृष्ट दशमा पर्न सफल भइरहेको छ । सोही संस्थाको २०२३ को रिपोर्ट अनुसार १२ औं स्थानमा रहेको मेटलाइफले २०२४ मा उत्कृष्ट दशमा पर्दै त्यस यता सोही सूचीमा आफ्नो स्थान कायम राख्दै आइरहेको छ भने त्यस यता आफ्नो स्थानलाई बढाउन र स्थिरता कायम राख्न यसले कुशल व्यवस्थापन, उत्कृष्ट बीमा पोलिसीहरू, क्षेत्रीय विस्तार, ग्राहकको विश्वास, बीमा क्षेत्रको स्तरीय विविधिकरण, हरेक जोखिमहरूको समाधानका उपायहरु, आफ्ना उद्देश्यमा जीवन्त जस्ता विभिन्न कुराहरुलाई अपनाइरहेको छ ।

त्यस्तै विश्वका अन्य विविध कम्पनीहरूसँगको तुलनामा मेटलाइफले मूल्यवानको हिसाबमा विश्वमै १५५औं स्थान र अमेरिकामा ६९ औं स्थान पाएको छ । यस उपलब्धी सँगै विश्वमा डेढ सय वर्ष भन्दा बढी र नेपालमा २४ वर्ष लामो इतिहास बोकेको मेट लाइफलाई व्यक्त गरिएको प्रतिबद्धता, लक्ष्य र ग्राहकको विश्वासमा बलियो जग हालेर विश्व जगतमै इन्सुरेन्सको क्षेत्रमा आफ्नो साम्राज्य विस्तार गर्दै अघि बढ्ने हौसला थपिएको छ ।

मेटलाइफको बारेमा
मेटलाइफ, इन्स्योरेन्स कम्पनी विश्वको अग्रणी वित्तीय सेवा कम्पनीहरू मध्ये एक हो । यसले आफ्ना सहायक कम्पनीहरू र सम्बद्ध कम्पनीहरू मार्फत, व्यक्तिगत र संस्थागत ग्राहकहरूलाई थप आत्मविश्वासी, भविष्य निर्माण गर्न, बीमा गर्न, वार्षिकी, कर्मचारी लाभ र सम्पत्ति व्यवस्थापन प्रदान गर्न मद्दत गर्दछ । सन् १८६८ मा स्थापित, मेटलाइफको विश्वव्यापी रूपमा ४० भन्दा बढी बजारहरूमा सञ्चालन छ र संयुक्त राज्य अमेरिका, एसिया, ल्याटिन अमेरिका, युरोप र मध्य पूर्वका देशहरुमा अग्रणी भएर काम गरिरहेको छ । १५० वर्षभन्दा बढीको अनुभव भएको मेट लाइफ विश्वभर सुरक्षा योजना, अवकाश र बचत समाधानका लागि अग्रणी मानिन्छ ।

पछिल्लो समय यस्ता रिपोर्टहरुमा पर्न सफल भएसँगै एलआईसी इण्डीया निगम लगायतको (ब्राण्ड भ्यालू) स्तर ह्वात्तै उक्कासिएका विभिन्न प्रतिवेदनहरु समेत सार्वजनिक भएका छन् । भनाईको मतलब नेपालमा जीवन बीमा व्यवसाय संचालन गरि रहेका कतिपय जीवन बीमा कम्पनीहरुले पछिल्लो समय (वोल्र्ड टप रया्ङ्क) मा समेत आफूलाई अब्बल साबित गर्न सफल भएका छन् । उनीहरुले यससँगै आफ्नो मात्र नभई आफ्ना लार्खौं, करोडौं बिमितहरुको समेत सपनालाई एउटा ठूलै उचाई र आकार दिएको जो कोहीलाई भान हुने गर्छ ।

अमेरिकी ब्राण्डको मेट लाइफ इन्स्योरेन्सलाई नेपालमा मेट लाइफ एलिको तथा (अमेरिकन इन्स्योरेन्स) कम्पनीको रुपमा समेत चिनिदै आएको छ । सोही कम्पनीले नेपालमा समेत आफ्नो राम्रो छवि स्थापना गरेकाले पनि (मल्टी नेशनल जीवन बीमा कम्पनी) , बहुदेशीय कारोबार गर्ने कम्पनीहरुमा एक कम्पनीबाट अर्को कम्पनी तथा एक देश माथि अर्को देशको समेत गहिरो विश्वास र साथ प्राप्त भएको बुझन् सकिन्छ ।

(रिफ्रेन्स : विभिन्न एजेन्सीहरबाट)