डिजेल र हवाई इन्धनको मूल्य घट्यो
काठमाडौं । हवाई इन्धन तथा डिजेलको मूल्य घटेको छ । हाल भारतबाट मूल्य घटेर आएसँगै निगमले मंगलबारदेखि लागू हुने गरी हवाई इन्धन आन्तरिकतर्फ प्रतिलिटर ७ रुपैयाँ र अन्तर्राष्ट्रियतर्फ प्रतिकिलोलिटर अमेरिकी डलर ५१ घटाएको हो ।
त्यस्तै,निगमले जारी गरेको विज्ञप्ति अनुसार हवाई इन्धन अन्तर्राष्ट्रियतर्फ पोखरा र भैरहवाका लागि ब्रेक इभन प्वाइन्टमा बिक्री मूल्य कायम गरिएको अवस्था छ।
साथै, निगमले डिजेल र मट्टितेलको मूल्य पनि घटाएको छ भने निगमले डिजेल तथा मट्टितेलको भाउ प्रतिलिटर २ रुपैयाँ घटाएको हो ।
हाल प्राप्त विज्ञप्ति अनुसार भारतबाट प्राप्त खरिद मूल्यअनुसार पेट्रोलको भाउ प्रतिलिटर ४५ पैसा बढेर आएको बेलामा डिजेल तथा मट्टितेलको भाउमा प्रतिलिटर २ रुपैयाँ १५ पैसा घटेर आएको अवस्था थियो । यता, सोहीअनुसार पेट्रोलको भाउ कुनै घटबढ नभएपनि डिजेल तथा मट्टितेल को भाउ घटाउने निर्णय भएको निगमको भनाइ आएको बेलामा जसअनुसार अब काठमाडौँमा डिजेलको भाउ प्रतिलिटर १४९ रुपैयाँ कायम रहेको छ। सो रकम मंगलबार राती १२ बजेदेखि लागू हुनेछ ।
