नागरिक उड्ययन प्राधिकरणमा जागिर खान इच्छुकलाई खुल्यो अवसर (सूचनासहित)
काठमाडौं । नेपाल नागरिक उड्ययन प्राधिकरण (क्यान) ले स्थायी जागिर खान इच्छुक भएकाहरूका लागि दरखास्त आवेदन खुलाएको छ ।
प्राधिकरणले प्रबन्धक १ जना, उपप्रबन्धक ४ जना, वरिष्ठ अधिकृत ५६ जना, अधिकृत ५ जना, वरिष्ठ सहायक १८ जना र सहायक पदमा ३२ जना गरी जम्माजम्मी ११६ जनाका लागि आवेदन खुलाएको जनाएको छ ।
पदअनुसार योग्यता र उमेर फरकफरक तोकिएको छ । त्यस्तो खालको योग्यता पुग्ने नेपाली नागरिकले दरखास्त दिन पाउँछन् ।
दरखास्त २०८२ वैशाख ४ गतेसम्म भनिएको छ । तर दोब्बर दस्तुर तिरेको खण्डमा एक हप्ता बढी समय लिएर वैशाख ११ गतेसम्म दिन सकिने प्राधिकरणले बताएको छ ।
