सानिमा रिलायन्स लाइफले सम्पन्न गर्यो साधारणसभा
काठमाडौं । सानिमा रिलायन्स लाइफ इन्स्योरेन्स कम्पनीले आफ्नो आठौं वार्षिक साधारणसभा सम्पन्न गरेको छ। जीवन बीमा कम्पनीको सो सभा नयाँ बानेश्वरस्थित अनमोट बैंक्वेटमा बिहान ११ बजेदेखि शुरू भएको थियो भने उक्त सभाले चुक्ता पूँजीको १.२४८९ प्रतिशत बोनस शेयर र ८ प्रतिशत नगद लाभांश (कर सहित) वितरणको प्रस्ताव पारित गरेको कम्पनीले जनाएको हो।
यता, बोनस शेयर वितरणपछि पूँजी बढ्ने भएकाले प्रबन्धपत्र र नियमावली संशोधन गर्ने, खर्च अनुमोदन गर्ने र सञ्चालक समितिलाई अख्तियारी दिने प्रस्ताव पनि सभाले अनुमोदन गरेको बताइएको छ।
सभाबाट गत आर्थिक वर्षको वार्षिक प्रतिवेदन सहितका वित्तीय विवरणहरू पारित गरी चालू आवको लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि सभाले पारित गर्दै साधारणसभा तथा लाभांश वितरण प्रयोजनार्थ कम्पनीले फागुन २६ गते बुक क्लोज गरिएको बताइयो।
सानिमा रिलायन्सल लाइफका अनुसार बुक क्लोजको आधारमा फागुन २५ गतेसम्म कायम शेयरधनीले मात्र लाभांश प्राप्त गर्न सक्ने बताइएको हो।
