एथरको नयाँ टेस्ट ड्राईभ स्वरुम बौद्धमा लन्च
काठमाडौं । विद्युतीय सवारी एथरले आफ्नो नयाँ स्वरुम बौद्धमा लन्च गरेको छ । उक्त भेग र आसपासका ग्राहकहरुलाई स्कूटरको बारेमा बुझ्न तथा खरिद गर्न सहज बनाउँने उदेश्यले नयाँ लोकेसन छनोट गरिएको कम्पनीले जनाएको हो ।
मंगलबार बिहान शुभारम्भ गरिएको सो स्वरुम लन्चमा सवारी प्रेमी उच्च पदस्थ व्यक्तीहरुदेखि दर्जनौ सवारी पत्रकारहरुको उपस्थिती रहेको थियो ।
नयाँ ठाउँमा स्वरुम राख्दा आफूहरुलाई समेत नयाँ अनुभव मिल्ने कम्पनी स्रोतले बताएको छ । यता, बौद्ध आफैंमा पर्यटकिय गन्तव्य भएकाले पनि स्वदेश तथा विदेशबाट आउँने पर्यटक एवम् धर्मालम्बीहरुले समेत एकपटक टेस्ट ड्राईभको मज्जा लिन सक्ने र आफूलाई उपयुक्त सवारी छनोटको निर्णयमा टेवा पुग्ने विश्वास लिइएको छ ।
यससँगै अन्य स्थान र उपयुक्त गन्तव्यमा समेत आफ्ना सेवालाई छिट्टै बिस्तार गर्ने कम्पनीले जनाएको हो ।
