अर्थ बजारमा कन्फिडेन्टको खाँचो छ,सबै मिल्दा समृद्धि हाँसिल हुन्छ : अध्यक्ष जीवन बीमक संघ
काठमाडौं । जीवन बीमक संघका अध्यक्ष तथा सिटिजन लाइफ इन्स्योरेन्स कम्पनीका प्रमुख कार्यकारी अधिकृत (सीईओ) पोषक राज पौडेलले इकोनोमिक एसोसियशन नेपाल (इमान) को दोस्रो वार्षिकोत्सव तथा तेस्रो साधारण सभामा बोल्दै आर्थिक क्षेत्र सुधारमा आर्थिक पत्रकारहरु समेत चनाखो हुनु पर्ने बताएका छन् । सीईओ पौडेलले अहिले देशको आर्थिक स्थिती र बीमा क्षेत्रले समेत कन्फिडेन्टको वातावारण खोजीरहेको भन्दै त्यस्तो वातावरण निर्माण सबैले सघाउँनु पर्ने स्पष्ट पारेका हुन् ।
जीवन बीमक संघका अध्यक्ष समेत रहेका पौडेलले भने,‘आर्थिक क्षेत्रमा विषेश गरी देशले जे फेस गरि रहेको छ, त्यसमा यहाँहरुको कलमले ओभर अल आर्थिक समृद्धिमा अझै सकारात्मक सन्देश दिन सफल हा्ेस भन्ने जीवन बीमक संघको तर्फबाट शुभकामना छ । यो बेलामा ओभर अल कन्फिडेन्ट व्युल्डअप गर्नु पर्नेछ । व्यवसायिक समुदायमा र सम्पूर्ण बीमा समुदायमा अहिले कन्फिडेन्ट बढाउनु पर्ने बेला छ ।’
उनले सबै मिलेर काम गर्दा नै आर्थिक समृद्धि सम्भव हुने कुरामा जोड दिँदै अर्थतन्त्रका महत्वपूर्ण विषयमा आफ्ना विचार राख्ने व्यक्तीहरुको समेत भूमिका अपरिहार्य हुने भाव व्यक्त गरे ।
उनले थपे,‘आर्थिक रुपमा नै ओभर अलमा केही कुरा गर्न खोजेको र कोही अघि बढ्न लागेको छ भने त्यसले आर्थिक समृद्धि गर्छ भन्ने हामी सबै मिलेर काम गर्नु पर्नेछ । देशको आर्थिक सुधारका लागि आर्थिक क्षेत्रमा कामगर्ने पत्रकार साथीहरुको पनि ठूलो भूमिका छ । त्यसका लागि यहाँहरुको कलम यसतर्फ चलोस् र त्यसले समग्रमा इको डेभलपमेन्टमा भूमिका खेलोस् भन्दै आफ्नो भनाई यही टुंग्याउँछु ।’
