जनकपुर बोल्ट्स र STC इनर्जी इन्डस्ट्रिजबीच सम्झौतामा हस्ताक्षर, STC बन्यो NPL सिजन ३ को आधिकारिक गो ग्रीन इनर्जी पार्टनर

काठमाडौं । जनकपुर बोल्ट्स र STC इनर्जी इन्डस्ट्रिज प्रा.लि. (श्री STC) बीच आज राजधानी काठमाडौंको राडिसन होटल, लाजिम्पातमा आयोजित हस्ताक्षर समारोहमा सहकार्य सम्झौतामा हस्ताक्षर भएको छ। यस सम्झौताअनुसार STC नेपाल प्रिमियर लिग (NPL) सिजन ३ का लागि जनकपुर बोल्ट्सको आधिकारिक गो ग्रीन इनर्जी पार्टनर बनेको छ।

यस सहकार्यअन्तर्गत STC लाई टिमको ब्रान्डिङ, म्याचडे, होस्पिटालिटी र डिजिटल अभियानहरूमा प्रमुखताका साथ
समावेश गरिनेछ, जसलेयस साझेदारीलाईसिजनभरि बोल्ट्स परिवारको एक अभिन्न हिस्सा बनाउनेछ। जनकपुर बोल्ट्सका प्रमुख कार्यकारी अधिकृत निरोज खतिवडाले भने, “STC इनर्जी इन्डस्ट्रिजलाईहाम्रो आधिकारिक गो ग्रीन इनर्जी पार्टनरका रूपमा स्वागत गर्नपाउँदा हामी निकै खुसी छौँ। STC को RIDE र ENERGY ब्याट्रीलेहाम्रा युवा र गतिशील फ्यानहरूको दैनिक जीवनसँग सिधा जोडिन्छ, र यो साझेदारी भरपर्दो ऊर्जा र दिगो भविष्यप्रतिको साझा प्रतिबद्धतामा आधारित छ। NPL सिजन ३ मा STC लाईसाथमा पाउँदा हामी उत्साहित छौँ र हाम्रा फ्यान तथा मधेशका जनतासँगै एक सम्मानजनक सिजनको अपेक्षा गरेका छौँ।”

STC इनर्जी इन्डस्ट्रिज प्रा.लि.का डाइरेक्टर लक्ष्मी प्रसाद उप्रेतीले भने, “जनकपुर बोल्ट्ससँग गो ग्रीन इनर्जी पार्टनरका रूपमा जोडिन पाउँदा हामी गौरवान्वित छौँ। हाम्रो RIDE र ENERGY ब्याट्री ब्रान्डले भरपर्दो र दिगो ऊर्जाको प्रतिनिधित्व गर्छ, र यो सोच बोल्ट्सका फ्यानहरूको ऊर्जा र जोशसँग पूर्णरूपमा मेल खान्छ। हामी यस साझेदारीमार्फत नेपालभरिका क्रिकेटप्रेमीहरूसम्म पुग्न र सिजनभरि टिमसँगै उत्तिकै जोशका साथ उभिन पाउँदा उत्साहित छौँ।”

यस सहकार्यलेNPL सिजन ३ प्रतिको उत्साहलाई थप बढाएको छ। जनकपुर बोल्ट्स नयाँ ऊर्जा र दृढ महत्वाकांक्षाका साथ प्रतियोगितामा फर्किनेतयारीमा छ।

जनकपुर बोल्ट्सको बारेमा

जनकपुर बोल्ट्स नेपाल प्रिमियर लिग (NPL) मा प्रतिस्पर्धागर्ने एक पेशेवर ट्वान्टी-२० क्रिकेट फ्र्यान्चाइज हो, जसलेमधेश
प्रदेशको प्रतिनिधित्व गर्दछ।

STC इनर्जी इन्डस्ट्रिज (श्री STC) को बारेमा

STC इनर्जी इन्डस्ट्रिज प्रा.लि., श्री STC का नामबाट परिचित, नेपालमा अटोमोटिव पार्ट्स र ब्याट्री उत्पादनको सप्लाई र
डिस्ट्रिब्युशनमा संलग्न एक कम्पनी हो, जसका RIDE र ENERGY दुईपांग्रे ब्याट्री ब्रान्डहरू व्यापक रूपमा चिनिन्छन्।