प्रधानमन्त्री दैवीप्रकोप उद्धार कोषमा विद्युत नियमन आयोगबाट रु. १ करोड योगदान
काठमाडौं । विद्युत् नियमन आयोगले प्रधानमन्त्री दैवीप्रकोप उद्धार कोषमा १ करोड रुपैयाँ योगदान गरेको छ।आयोगका अध्यक्ष डा रामप्रसाद धितालले आज ऊर्जा, जलस्रोत तथा सिँचाइमन्त्री विराज भक्त श्रेष्ठमार्फत उद्धार कोषमा १ करोड रुपैयाँको चेक हस्तान्तरण गरेका हुन्। चेक हस्तान्तरण कार्यक्रम ऊर्जा मन्त्रालयमै भएको हो।
हालै रसुवाको भोटेकोशी नदीमा आएको विनाशकारी बाढीबाट प्रभावित नागरिकको उद्धार, राहत तथा पुनस्र्थापनाका लागि उक्त रकम सहयोग गरिएको आयोगले जनाएको छ। विनाशकारी बाढीबाट रसुवा, नुवाकोट र धादिङमा ठूलो जनधनको क्षति भएको छ।
