झिनो अंकले बढ्यो सेयर बजार, कारोबार साढे ३ अर्ब माथि
काठमाडौं । बुधबार सेयर बजार झिनो अंकले बढेर कारोबार बन्द भएको छ । लामो सयमको गिरावटमा ब्रेक लगाउँदै सेयर बजार ०.०८ अंकले बढेको हो ।
आजका कारोबार बन्द हुँदा सेयर बजार परिसूचक २७०५.५३ विन्दुमा पुगेको छ । आज सेयर बजारमा १३१ कम्पनीको सेयर मूल्य घटेको छ भने १२६ कम्पनीको बढेको छ । आज १४ कम्पनीको सेयर मूल्य स्थिर रहेको छ ।
त्यस्तै आज सेन्सेटिभ इन्डेक्स भने ०.२० अंकले घटेर ४६४.४३ विन्दुमा पुगेको छ । आज सेयर बजारमा १३ उपसूचकमध्ये ८ वटाको सेयर मूल्य घटेको छ भने ५ वटाको बढेको छ । परिसूचक झिनो अंकले बढेको दिन कारोबार रकम भने घटेको छ ।
आज सेयर बजारमा ३५२ कम्पनीका ८३ लाख ७५ हजार ४७१ कित्ता सेयर ४४ हजार ५४२ पटक खरिद बिक्री हुँदा ३ अर्ब ६३ करोड ७५ लाख ८९ हजार १० रुपैयाँको कारोबार भएको छ । आज सेयर बजारमा दुई वटा कम्पनीको सेयर मूल्यमा सकारात्मक सर्किट लागेर कारोबार भएको छ ।
