यूनाइटेड अजोड इन्स्योरेन्सको ४ लाख बढी संस्थापक सेयर बिक्रीमा
काठमाडौं । यूनाइटेड अजोड इन्स्योरेन्स लिमिटेडले संस्थापक समूहको ४ लाख भन्दा बढी सेयर बिक्रीमा राखेको छ । कम्पनीले संस्थापक समूहको ४ लाख ७ हजार १८२ कित्ता सेयर बिक्रीमा राखेको हो ।
हाल कम्पनीकै अन्य विद्यमान संस्थापक सेयरधनीले मात्रै किन्न पाउने गरी सेयर बिक्रीमा राखिएको कम्पनीले जनाएको छ । जसमध्ये ३ लाख ७४ हजार ४५ कित्ता सेयर संस्थापक सेयरधनी आईजे ग्रुप प्रा. लि. को नाममा रहेको छ । यसको प्रतिकित्ता न्यूनतम मूल्य २२५ रुपैयाँ तोकिएको छ । त्यस्तै ३३ हजार १३७ कित्ता सेयर संस्थापक सेयरधनी राधेश्याम अग्रवालको नाममा रहेको छ । यो सेयरको न्यूनतम मूल्य भने प्रतिकित्ता २७५ रुपैयाँ तोकिएको छ ।
सो सेयर खरिद गर्न इच्छुक संस्थापक लगानीकर्ताले आफूले किन्न चाहेको सेयरको विवरण खुलाई ३५ दिनभित्र निवेदन दिनु पर्नेछ । निवेदन काठमाडौंको सुन्धारास्थित सिटिसि मलमा रहेको कम्पनीको प्रधान कार्यालयमा बुझाउनु पर्नेछ । साथै तोकिएको म्यादभित्र संस्थापकबाट शेयर खरिदका लागि पर्याप्त आवेदन नपरेमा सर्वसाधारणमा बिक्री खुला गरिने कम्पनीले जनाएको छ ।
