यातायातमा जोर–बिजोर प्रणाली लागू गर्ने तयारीमा सरकार
काठमाडौं । हप्तामा दुई दिन सार्वजनिक बिदा दिएको सरकारले अब यातायातमा जोर–बिजोर प्रणाली लागू गर्ने तयारी गरेको छ । पेट्रोलियम पदार्थको खपत घटाउन इन्धनबाट चल्ने सवारी साधनमा आवश्यक परे जोर–बिजोर प्रणाली लागू गरिने मन्त्री प्रतिभा रावलले जानकारी दिइन् ।
नेपाल सरकारलाई पछिल्लो १५ दिनमा मात्रै करिब ११ अर्ब ७२ करोड रूपैयाँ घाटा भइरहेको तथ्याङ्क प्रस्तुत गर्दै मन्त्री रावलले इन्धन खपत घटाउन आइतबार पनि सार्वजनिक बिदा दिने, सवारी साधनमा जोर–बिजोर प्रणाली लागू गर्न सकिने र ईभी (विद्युतीय सवारी) तथा इथानोलको प्रयोगलाई प्रोत्साहन गर्ने नीति अघि सारिएको स्पष्ट पारिन् ।
