सेयर बजारमा हरियाली, २१ अर्ब माथिको कारोबार
काठमाडौं । साताको सेयर कारोबार हुने अन्तिम दिन बिहीबार नेप्से परिसूचक उच्च अंकले बढेको छ । बिहीबार नेप्से परिसूचक ६४.६७ अंकले बढेर २८७७.०२ विन्दुमा पुगेको हो । यो अघिल्लो दिनको भन्दा २.२९ प्रतिशतले धेरै हो ।
आज सेयर बजारमा २४० कम्पनीको सेयर मूल्य बढेको छ भने २२ कम्पनीको घटेको छ । आज २ कम्पनीको सेयर मूल्य भने स्थिर रहेको छ । आज सेन्सेटिभ इन्डेक्स पनि ११.६२ अंकले बढेर ४९४.१९ विन्दुमा पुगेको छ । आज १३ वटा उपसूचकमध्ये सबैको सेयर मूल्यमा हरियाली छाएको छ ।
आज परिसूचकसँगै कारोबार रकममा पनि उच्च वृद्धि भएको छ । आज सेयर बजारमा ३४२ कम्पनीका ५ करोड ६९ लाख २० हजार ६०८ कित्ता सेयर १ लाख ९१ हजार २५१ पटक खरिद बिक्री हुँदा २१ अर्ब २२ करोड ३४ लाख ९४ हजार ८८६ रुपैयाँको कारोबार भएको छ । बिहीबार सेयर बजारमा ५ वटा कम्पनीमा सकारात्मक सर्किट लागेर कारोबार भएको छ ।
