सुनचाँदीको मूल्य बढ्यो, तोलाको कति ? 

काठमाडौं । बिहीबार नेपाली बजारमा सुनचाँदीको मूल्य बढेको छ । अघिल्लो दिन घटेको सुनचाँदीको मूल्य आज बढेको हो ।

नेपाल सुनचाँदी व्यवसायी महासंघका अनुसार आज सुन तोलाको ४ हजार ३०० रुपैयाँ र चाँदीको मूल्य १८० रुपैयाँले बढेको हो । महासंघका अनुसार आज सुन तोलाको ३ लाख ४ हजार ७०० रुपैयाँ पुगेको छ । अघिल्लो दिन सुनको तोलाको ३ लाख ४०० रुपैयाँ रहेको थियो ।

त्यस्तै आज चाँदीको मूल्य १८० रुपैयाँले बढेर ५ हजार ६० रुपैयाँ पुगेको छ । अघिल्लो दिन चाँदी तोलाको ४ हजार ८८० रुपैयाँ रहेको थियो ।