सुनको मूल्य एकै दिन १६ सयले बढ्यो,एक तोला किन्न कति ?
काठमाडौं । नेपाली बजारमा आज सुनको मूल्य बढेको छ । आज सुनको मूल्य तोलामा १ हजार ६०० रुपैयाँले बढेको हो ।
अघिल्लो दिन पनि सुनको मूल्य तोलामा ३०० रुपैयाँले बढेको थियो । नेपाल सुनचाँदी व्यवसायी महासंघका आज छापावाला सुनको मूल्य तोलाको १ लाख ५० हजार ९०० रुपैयाँ पुगेको छ । अघिल्लो दिन सुनको मूल्य तोलाका १ लाख ४९ हजार ३०० रुपैयाँमा कारोबार भएको थियो । पछिल्लो समय सरकारले सुनको भन्सार दर घटाएपछि घट्न थालेको सुनको मूल्य फेरि बढ्न थालेको हो ।
आज चाँदीको मूल्य पनि तोलाको ४५ रुपैयाँले बढेको छ । आज चाँदी तोलाको १ हजार ८४५ रुपैयाँमा कारोबार भइरहेको छ । अघिल्लो दिन चाँदीको मूल्य तोलाको १ हजार ८०० रुपैयाँमा कारोबार भएको थियो ।
