छोराको जन्मदिनमा बुबाले दिए जीवन बीमा पोलिसी उपहार
काठमाडौँ । चितवन रत्ननगर नगरपालिका १३ – रत्ननगरका विकास सुनारले आफ्ना छोराको भविष्य सुनिश्चित गर्ने उद्देश्यसहित जन्मदिनको अवसरमा विशेष उपहार दिएका छन्। उनले आफ्ना छोरा दिव्यन्त सुनारको दोस्रो जन्मदिनको अवसरमा रिलायबल नेपाल लाइफ इन्स्योरेन्स कम्पनी आँबुखैरेनी शाखाबाट जारी सर्व सुलभ बाल जीवन बीमा योजनाको ५ लाख रुपैयाँ मूल्यको बीमा पोलिसी उपहार स्वरूप दिएका हुन्।
सर्व सुलभ बाल जीवन बीमा योजनामा बिमितको बीमा गर्दा प्रस्तावको जोखिम बहन गर्ने विभिन्न ६ वटा उत्कृष्ट ऐच्छिक संरक्षण सुविधा उपलब्ध छन्। यस योजनामा रहेको बीमाको विशेषताले गर्दा आम नागरिकबीच यसप्रति विश्वास र रोजाइ दिन प्रतिदिन बढ्दै गएको कम्पनीले जनाएको छ।
आँबुखैरेनी शाखा प्रमुख सुनिल श्रेष्ठका अनुसार आफ्नो सन्तानको सुरक्षित भविष्य सुनिश्चित गर्न बुबा आमाले जन्मदिन जस्ता विशेष अवसरमा जीवन बीमा गराउने क्रम बढ्दो छ। यसले परिवारलाई आर्थिक सुरक्षा प्रदान गर्नुका साथै बीमा प्रतिको जनस्तरको आस्थालाई पनि बलियो बनाउँछ।
विकास सुनारले भने, ‘मेरो छोराको भविष्य सुरक्षित राख्न यही जन्मदिनको अवसरमा जीवन बीमा पोलिसी उपहार दिएको हुँ। यो हाम्रो परिवारका लागि मात्र नभएर आम नागरिकका लागि पनि प्रेरणादायी उदाहरण हो कि समयमै जीवन बीमा गर्नु आवश्यक छ।’
