नेपाल इन्भेष्टमेन्ट मेगा बैंकद्धारा महिला उद्यमी महासंघ नेपालका सदस्यलाई छुट
काठमाडौं । नेपाल इन्भेष्टमेन्ट मेगा बैंक र महिला उद्यमी महासंघ नेपालबीच व्यावसायिक सम्झौता भएको छ। बैंक र महासंघबीच महिलालाई उद्यम क्षेत्रमा आकर्षित गरी महिला व्यवसाय प्रवर्द्धन गर्न सम्झौता भएको हो।
बैंकका तर्फबाट प्रमुख कार्यकारी अधिकृत ज्योति प्रकाश पाण्डे र महासंघका तर्फबाट शोभा ज्ञवालीले हस्ताक्षर गरेका छन्।
यस सम्झौतामार्फत एसोसिएसनका सदस्यलाई महिलाद्धारा सञ्चालित उद्यम र नयाँ उद्यमी बन्न चाहने विभिन्न महिलालाई विशेष बैंक तथा वित्तीय सहयोग प्रदान गर्ने सम्झौता गरिएको छ।
सोही सम्झौताअनुसार एसोसिएसनका सदस्यलाई लक्षित गरी बैंकको २ सय ७५ वटा शाखामार्फत छुटसहितको कर्जा प्रवाहमा विशेष प्राथमिकता, वित्तीय साक्षरताका सेवा दिने बैंकका प्रमुख कार्यकारी अधिकृतले पाण्डेले जानकारी दिए।
