साढे १५ करोड भ्रष्टाचारको मुद्दा सुनिल पौडेलसहित ६ जनाविरुद्ध दर्ता
काठमाडौं । राष्ट्रिय सूचना प्रविधि केन्द्रका तत्कालीन कार्यकारी निर्देशक सुनिल पौडेलसहित ६ जनाविरुद्ध साढे १५ करोड रुपैयाँ बराबरको भ्रष्टाचारको अर्को मुद्दा दायर भएको अवस्था छ।
यता, अख्तियार दुरुपयोग अनुसन्धान आयोगले शुक्रबार पौडेलसहित ६ जनाविरुद्ध १५ करोड ५८ लाख ८५ हजार रुपैयाँ बराबरको भ्रष्टाचार गरेको आरोपमा विशेष अदालतमा मुद्दा दायर गरेको हो।
उनै पौडेलसहित अख्तियारले केन्द्रका तत्कालीन निर्देशक सफल श्रेष्ठ, सहायक निर्देशक रमेश पोख्रेल, कम्प्युटर इन्जिनियर रामशरण गायक, लेखा अधिकृत निमबहादुर वली र वर्ल्ड डिस्ट्रिब्युसन नेपालका अध्यक्ष अरुण श्रेष्ठलाई प्रतिवादी बनाएको छ।
