सानिमा जिआइसी इन्स्योरेन्सले सम्पन्न गर्यो ७ औं साधारण सभा, लगानीकर्ताले पाए लाभांश
काठमाडौं । निर्जीवन बीमक सानिमा जिआईसी इन्स्योरेन्सले सातौं वार्षिक साधारणसभा सम्पन्न गरेको छ । कम्पनीले आज सम्पन्न गरेको सभामा अध्यक्ष कुनाल कयालले अध्यक्षता गरेका हुन् ।
उक्त सभा काठमाडौंको कालिकास्थानस्थित अमृतभोगमा सम्पन्न भएको कम्पनीले जनाएको छ भने हाल कायम चुक्ता पूँजीको ७.५ प्रतिशत बोनस शेयर र ०.३९४७ प्रतिशत नगद लाभांश ९कर समेत० वितरणको प्रस्ताव सदर भएको छ।
सोही सभामा २५ प्रतिशत हकप्रद शेयर संशोधन गरी १७ प्रतिशत हकप्रद जारी गर्ने, गत आवमा भएको खर्च अनुमोदन गर्ने, सञ्चालक समितिको बैठक भत्ता संशोधन गर्ने र प्रबन्धपत्र तथा नियमावलीमा संशोधन गर्न सञ्चालक समितिलाई अख्तियारी दिने प्रस्ताव पनि पारित गरेको बेलामा गत आर्थिक आवको वित्तीय विवरणहरू पारित गरी चालू आवको लागि लेखापरीक्षक नियुक्ति र पारश्रमिक निर्धारण गरिएको अवस्था छ।
यता, सोही सभा तथा लाभांश वितरण प्रयोजनार्थ कम्पनीले चैत ८ गते बुक क्लोज गरेको थियो भने बुक क्लोजका आधारमा चैत ७ गतेसम्म कायम शेयरधनीहरूले मात्र लाभांश प्राप्त गर्ने सानिमा जिआइसी इन्स्योरेन्सले जानकारी दिएको हो।
