प्रधानमन्त्री ओली थाइल्यान्डमा
बैंकक । थाइल्याण्ड उडान भएका प्रधानमन्त्री केपी शर्मा ओली गन्तव्यमा पुगेका छन्। उनी बहुक्षेत्रीय प्राविधिक तथा आर्थिक सहयोगका लागि भन्दै बङ्गालको खाडीको प्रयास बिमस्टेक को छैटौं शिखर सम्मेलनमा सहभागीता जनाउन गएका हुन् । ओली साँझ ६.१५ बजे थाइल्यान्डको बैंकक पुगेका हुन् भने सुवर्णभूमि अन्तर्राष्ट्रिय विमानस्थलस्थलको विशिष्ट कक्षमा देखिएका छन् ।
यता, थाइल्यान्डका उपप्रधानमन्त्री एवं यातायातमन्त्री सुरिया जङ्ग्राउनग्रेङकिट दम्पती संस्कृति तथा खेलकुदमन्त्री सोरावोङ थेनबोङ दम्पती र थाइल्यान्डका लागि नेपाली राजदूत धनबहादुर वली, नेपालका लागि थाइल्यान्डका राजदूत सावापोङ सिरिसोर्नसहितले स्वागत गरेका छन्।
त्यस्तै, थाइल्यान्डका प्रधानमन्त्री पे थोङ् थान् शिनावातको मैत्रीपूर्ण निमन्त्रणामा नेपालका प्रधानमन्त्रीबाट पहिलोपटक थाइल्यान्डको औपचारिक भ्रमण भएको र उक्त भ्रमणमा प्रथम महिला राधिका शाक्य, परराष्ट्रमन्त्री आरजु राणा देउवा, प्रधानमन्त्रीका मुख्य सल्लाहकार विश्नुप्रसाद रिमाल, आर्थिक विकास सल्लाहकार डा. युवराज खतिवडा, नेपाल सरकारका मुख्यसचिव एकनारायण अर्याल, परराष्ट्र मन्त्रालयका सचिव अमृतबहादुर राई समेत रहेको बुझिएको हो।
सोही भ्रमणबाट प्रधानमन्त्री ओलीले थाइल्याण्डमा विभिन्न ८ वटा समझदारीपत्रमा हस्ताक्षर गर्ने समेत योजना रहेको छ ।
