नेपाल इन्स्योरेन्सले साधारणसभा गर्दै
काठमाडौं । निर्जीवन बीमक नेपाल इन्स्योरेन्स कम्पनी लिमिटेडको वार्षिक साधारण सभा आज डाकेको छ। उक्त कम्पनीको ७६ औं वार्षिक साधारणसभा आज काठमाडौंको कमलादीस्थित नेपाल प्रज्ञा प्रतिष्ठानमा बिहान ११ बजेदेखि सुरु हुने भएको हो।
यता, सभाले हाल कायम चुक्ता पुँजीको १५ प्रतिशत बोनस सेयर र ०.७९ प्रतिशत नगद लाभांश ९कर समेत० वितरणको प्रस्ताव पारित गर्नेछ । साथै चुक्ता पुँजीको ४० प्रतिशत पछि संशोधन हुन सक्ने हकप्रद सेयर र बोनस सेयर जारी गरेपछि कम्पनीको जारी तथा चुक्ता पुँजी बढ्ने भएकाले सोही बमोजिम प्रबन्धपत्र तथा नियमावलीमा संशोधन गर्न सञ्चालक समितिलाई अख्तियारी दिने प्रस्ताव पारित गर्ने भएको छ।
साथै, गत आर्थिक वर्षको वित्तीय विवरणहरू पारित गरी चालु आवको लागि लेखापरीक्षक नियुक्ति गरी पारिश्रमिक निर्धारण गर्ने र संस्थागत सामाजिक उत्तरदायित्व अन्तर्गत भएका खर्चको अनुमोदन गर्ने प्रस्ताव पनि सभाका लागि तयको छ। सोही सभा तथा लाभांश वितरण प्रयोजनार्थ कम्पनीले चैत ७ गते बुक क्लोज गरिसकेको छ । बुक क्लोजको आधारमा चैत ६ गतेसम्म कायम सेयरधनीहरूले मात्र सभामा भाग लिन र लाभांश प्राप्त गर्न सक्ने जनाइएको हो ।
