लगानीकर्तामा देखियो आशा, ३० अंकले बजार बढ्दा ७ अर्बमाथिको कारोबार
काठमाडौं । साताको पहिलो दिन आइतबार लगानीकर्रतामा उत्साह देखिएको छ । यसदिन नेप्से परिसूचक २९.८२ अंकले बढेर २६९३.१२ बिन्दुमा बन्द भएको छ । यो गत बिहीबारको तुलनामा बजार १.११ प्रतिशतले बढेको हो । बिहीबार २६६३.३० बिन्दु रहेको थियो ।
त्यस्तै सेन्सेटिभ इन्डेक्स १ प्रतिशत, फ्लोट इन्डेक्स १.१९ प्रतिशत र सेन्सेटिभ फ्लोट इन्डेक्स १.०५ प्रतिशतले बढेका छन् ।
आज ३२३ कम्पनीको १ करोड ५५ लाख ७२ हजार ८६२ कित्ता शेयर किनबेच हुँदा ७ अर्ब ५६ करोड ८२ ला २६ हजारभन्दा बढीको रुपैयाँको कारोबार भएको छ । यस्तो कारोबार गत बिहीबार ५ अर्ब २२ करोड ३० लाख ८३ हजार रुपैयाँ थियो ।
यसदिन २२२ कम्पनीका लगानीकर्ताले नाफा कमाएका छन् भने भने २२ वटा कम्पनीका लगानीकर्ताले घाटा बेहोरेका छन् ।
आज जोशी हाइड्रोपावरको सकारात्मक सकिर्ट लाग्दा यसको मूल्य ३५.६८ रुपैयाँ वृद्धि भई ३९३.४० रुपैयाँ पुगेको छ । दोस्रोमा दोर्दी र तेस्रोमा कुमारी सबल योजनाका लगानीकर्ताले क्रमशः ६.९४ प्रतिशत र ६.३९ प्रतिशत नाफा कमाएका छन् ।
प्रभु स्मार्टका फन्डका लगानीकर्ताले भने यसदिन ५.७९ प्रतिशत घाटा खाएका छन् । त्यस्तै, सामुदायिक लघुवित्त, कुथेली बुखरी हाइड्रोपावर, सयपत्री हाइड्रोपावर र बोटलर्स नेपाल (बालाजु) का लगानीकर्ताले नाफा गुमाएका छन् ।
नेप्सेका अनुसार आज कारोबारमा आएका १३ वटा उपसमूहमध्ये म्युचअल फन्डबाहेक अन्य सबै बढेका छन् । जसमा सबैभन्दा बढी लगानी समूह २.०६ प्रतिशतले बढेको छ ।
यसदिन हिमालयन रि इन्स्योरेन्सको ६९ करोड १९ लाख रुपैयाँभन्दा बढीको कारोबार भएको छ । त्यसपछि क्रमशः नेपाल पुनर्बिमा कम्पनी र एनआरएन इन्फ्रास्ट्रक्चरको बढी कारोबार भएको छ ।
