ललितपुरको टीकाथलीमा बोरिङ खन्दा निस्कियो आगोको ज्वाला
काठमाडौं । ललितपुरको महालक्ष्मी नगरपालिका टिकाथलीमा बोरिङ खन्ने क्रमा आगोको ज्वाला निस्किएको छ । मंगलबार टीकाथलीको गोदावरी खोलानजिक खानेपानीको बोरिङ खन्ने क्रममा पानी निकाल्न करिब ३ सय मिटर बोरिङको पाइप गाडिसकेपछि त्यहाँबाट आगोको ज्वाला निस्किएको हो । आगोको ज्वालापछि बोरिङ खन्ने काम रोकिएको छ ।
पानीका निम्ति बोरिङ खन्ने क्रममा ग्यास निस्केर आगो बलेको जिल्ला प्रहरी परिसर ललितपुरले जनाएको छ । महालक्ष्मी नगरपालिकाका केही स्थानमा यसअघि पनि इनार र बोरिङ खन्ने क्रममा ग्यास निस्किएको थियो ।
